INCAPACIDADE LABORAL E ORIENTACIÓN LABORAL

 

 

INCAPACIDADE LABORAL

A tarefa de orientar non é sinxela pero se a esto unimos que a persoa usuaria ten incapacidade laboral a situación resulta aínda máis complicada.

O primeiro que temos que ter claro é que é unha incapacidade, os tipos que hai e as implicacións que ten para a persoa. Se non temos claras estas cousas non faremos un bo traballo como orientadores. Que é unha incapacidade?

 

INCAPACIDADE    Situación na que se atopa un traballador cando está imposibilitado para                                             realizar as función normais do seu posto de traballo.

 

Tras saber o que é unha incapacidade debemos coñecer os tipos que existen pois segundo a tipoloxía a persoa usuaria ten máis ou menos limitacións á hora de buscar emprego. Aquí vos deixo un enlace a un mapaconceptual elaborado por min sobre a incapacidade laboral.

 

TIPOS DE INCAPACIDADE 

TEMPORAL (IT).  

Prodúcese cando un traballador non pode desenvolver a súa profesión ou oficio nun período de tempo no que está sometido a tratamento. 

PERMANENTE (IP).

Situación laboral na que se atopa un traballador que non pode desempeñar a súa profesión con normalidade debido a limitacións anatómicas ou funcionais previsiblemente definitivas.    

    - PARCIAL (IPP).

Recoñécese cando debido a unha lesión ou enfermidade un traballador ten dificultades para realizar a súa actividade laboral.

    - TOTAL (IPT).             

Prodúcese cando unha persoa se atopa inhabilitada para desempeñar as tarefas do seu posto de traballo habitual, podendo adicarse a outros traballos.   

ABSOLUTA.

Inhabilita ó traballador para desempeñar calquera profesión ou oficio cun mínimo de profesionalidade, eficacia e rendemento.  

GRAN INVALIDEZ.

Grao máximo de incapacidade. A persoa non pode realizar calquera tipo de actividade ou traballo e precisa asistencia doutra persoa para as actividades esenciais da súa vida.  

Aquí vos deixo un pequeno vídeo que clarifica máis as cousas.

 

PARA SABER MÁIS

Se queredes saber máis sobre a Incapacidade Permanente e os procedementos para tramitala, así como información xeral sobre dita prestación entrade nesta páxina

Para ter máis información sobre a Incapacidade e os tipos que hai podedes consultar páxinas de entidades especializadas nas discapacidades e incapacidades

COMPATIBILIDADE INCAPACIDADE E TRABALLO

Para saber se unha persoa con incapacidade pode traballar hai que analizar cada situación concreta pois dependendo do tipo de incapacidade a persoa poderá desempeñar un traballo ou non. Como resumo podemos dicir:

- Se a persoa ten unha incapacidade permanente parcial pode seguir desempeñando o seu posto habitual con algunha pequena limitación. 

- Cunha incapacidade permanente total a persoa non pode desempeñar o seu traballo habitual nin ningún outro que teña funcións iguais ou similares ó seu traballo anterior. 

- Se a incapacidade é absoluta en principio a persoa só pode traballar nun Centro Especial de Emprego (CEE).

- Cunha gran invalidez en principio a persoa non pode desempeñar ningún tipo de traballo.

Un aspecto importante a ter en conta é a orixe da incapacidade laboral. Esta pode ser por enfermidade común ou por accidente labora ou enfermidade profesional. A continuación deixo un pequeno vídeo que fala sobre os accidentes de traballo e as enfermidades profesionais.

 

Moi importante resaltar que é obriga da persoa con incapacidade comunicar á Seguridade Social o inicio da actividade laboral no prazo de 30 días, de non facelo será sancionado. 

Para rematar dicir que a nosa labor como orientadores consiste en axudar no camiño de redifinición das persoas usuarias que deben buscar novas alternativas formativas e laborais para conseguir a súa volta ó mercado laboral. Esta tarefa non sempre é sinxela pois é verdade que moitas destas persoas por idade e/ou formación previa son reacios a formarse. Está entre as nosas funcións motivalos e orientalos para que adquiran novas competencias e habilidades para conseguir a súa reinserción laboral.